Music | موسيقى

عالسّريع* – لمّا النّمرود يقرّر يعود

jowan-safadi-2

أصدر السينجر سونجرايتر (يعني بكتب بلحّن بغنّي) جوان صفدي أغنية “حسّيت” قبل كم يوم. منشوف انّه الاغنية بأسلوب شويّ بختلف عن اللي تعودنا عليه من جوان آخر كم سنة ابتداءً من البوم “النّمرود” وكمالة باصدارات وعروض فرقة “فش سمك” (اللي انا بعزف فيها وجوان صاحبي وبعرف بعرف بفرقش معي).

ممكن نقول كثير اشياء عن جوان صفدي، بس الاشي الاكيد انه جوان بعرف يكتب. الأغنية جاي من اكثر محل حساس وحقيقي بداخل جوان، والغناء والعزف عالجيتار فيهن اشي من الالية (mechanical) اللي بوحي لخدر نفسي (emotional numbness) اللي وصلّه الكاتب من ورا احداث الاغنية.. استنيت.. استنيت وتمنّيت تفوتي عالدار وتشوفي النار.. منتخيّل انسان محبط، يأسان قاعد بالبيت يستنّاها وهي مش جاي. هاي المشاعر كلها بتمرق بأكثر طريقة حرّة وطبيعيّة، خالية من كل المؤثرات الهوليوودية بالانتاج الموسيقي. البيانو والتشيلو بفوتوا بعدين و بذكرونا انه بالإضافة لهاليأس في غضب، بدّي اقوم، بدّي اكسّر، بس.. مش قادر. منرجع للجيتار المتردّد، مع بيانو خفيف، ومنرجع ل our little sad space.

حبّيت.

شاركونا برأيكم بالكومنتس تحت.

عالسّريع هي محاولة ما اطحنلكوش مخّكم وبس اقول اللي عندي عالسّريع عشان تكمّلوا تبحبشوا لحالكو.

كلمات، ألحان، جيتار وغناء جوان صفدي

تشيلو- سهيل كنعان

بيانو- غدير عبيدو

تسجيل، ميكس وإنتاج موسيقي – سنان عبد المعطي

عرض جوان السولو “لحالي لبالي” يوم الاثنين عشرة سبعة الفين وسبعتعش بكباريت بحيفا

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s