Music | موسيقى

عالسّريع*. تامر أبو غزالة – لمّا كميليا جبران التقت بالشّيخ إمام

إذا بعدكو بتعرفوش هذا الاسم، أجا الوقت تعرفوه.

Thulthتامر أبو غزالة ببان وكأنه جديد نسبيّا على ساحة الفنّ البديل. بالفعل هو من حجارة الأساس للموسيقى العربيّة البديلة، واستطاع، وخلال فترة قصيرة نسبيّاً، ان يخلق صوت بمثّل عهد جديد من الموسيقى العربيّة المعاصرة. مش راح أغلّبكم بتفاصيل حياته وسيرته الذّاتيّة – يخلف ع عمّي Google – فوتوا واقرأوا عشان تفهموا عن شو عم نحكي هون. بالاضافة بنصحكم تبحبشو في مشاريع تامر الاخرى مثل مجلّة “معازف” اللّي بتعمل شو عم منحاول نعمل بنبرة (بس ع أجمد).

اذا بدّي الخّص اسلوب تامر بقول انّه مزيج حرّ ما بين الموسيقى التّجريبيّة، الجاز والموسيقى العربيّة الكلاسيكيّة.

بذكر أن أوّل مرة سمعت اغنية لتامر (تخبّط) ما كنت عارف لمين الاغنية (كانت قسم من اسطوانة اخذتها من أوّل حفلة موسيقى عربيّة بديلة عملها صديقي الموسيقي – وهاي عالوزن – نزار جبران). فزّعت العالم قدّيش اغنية كاميليا جبران الجديدة حلوة! شي يوم صادفت الاغنية مرّة ثانية فعرفت انها لتامر وفهمت انّه في شي كان رايح عليّ اكثر من اللّازم وقت.

اذا كنتم من محبّي الايقاعات الغير متوقّعة، التّقلّبات الفجائيّة بالمزاج الموسيقي، الكلمات اللّاذعة وصوت العود، تامر أبو غزالة زلمتكم (is your man يعني). ألبومه الثّالث “ثلث” بجسّد بداخله أسلوب مطبوخ منيح وبنفس الوقت تجريبي ومنعنش. كلمات فيها مزيج ما بين الشّعر والفكاهة، لغه فصحى وعامّيّة فلسطينيّة (زلمتنا فلسطيني الأصل – يعني منّينا) ومصريّة (اه بس خلق وعاش بمصر). تأثير تعليم الأستاذ خالد جبران بارز جدّاً طبعاً وذكرت ان الاسلوب بذكّر بكميليا جبران – اخت الأستاذ خالد.

من النّاحية التّقنيّة – تامر عازف عود بارع وصاحب صوت قوي طيفه واسع – حاجتين أساسيّتين لتأليف وتقديم فنّ مثل فنّه. الفرقة المرافقة مهنيّة ومميّزة – ممكن نقول انها متجانسة مع أسلوبه بشكل كامل – اشارة لقدرة تامر بالتلحين، الانتاج والقيادة. الكلمات والأشعار بتسرق وبتجبركو تركّزوا منيح.

اسمعوله وشاركونا برأيكم.

مصادر اضافيّة:

عشان تسمعوا الألبوم ببلاش اكبسوا عليّ

عشان تدفعوا حقّه وتدعموا الفنّ اكبسوا عليّ

عشان تقرأوا شو كُتب عن ألبوم “ثاث” في مجلّة “معازف” اللي هي أصلاً لتامر اكبسوا عليّ

* عالسّريع هي محاولة ما اطحنلكوش مخّكم وبس اقول اللي عندي عالسّريع عشان تكمّلوا تبحبشوا لحالكو.

558

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s