Art | فن, Video | فيديو

معرض\عرض\استعراض العمى

أنطولوجيا العمى نرسيس وايكو – ربيع سلفيتي وعدي شلحت

خلّصت شغل عالثمانية باللّيل، مسكت حالي وطرت عَ “كباريت” ع أساس اني متأخّر عالمعرض. مكتوب 8:00-10:00 – بكباريت فش اشي ببدا قبل ال 9:30 بالليل (وهاي كمان اذا عاملين برنامج مبكّر للأطفال يعني) فقلت اذا كاتبين 8 قاصدين 8! شكلهن الجماعة عاملين اشي خاص وممنوع نتأخّر.

وصلت 8:30، لقيت مجموعات شباب وصبايا قاعدين برّيت المحلّ، من ضمنهن الفنّانين. فهمت انه رجعت حليمة لعادتها القديمة.. ما علينا. منستنّى.

بعد ساعة محادثات ونقاشات ولعب بالسبينر الجديد اللي جابه صديقي، رنّوا الجرس – يلّا بدنا نبدا العرض.

لحظة.. عرض؟ معرض؟ مش فاهمين.

تراكمت التوقّعات، وبدأ “العمعرض”.

نرسيس

اللي صار بداخل كباريت خلّى الكلّ مش فاهم. شاشات موزّعة بتعرض فيديو آرت بتكوّن بالاساس من حلقات (loops). بمركز الساحة كان هاليخون (بالعربي جهاز جري) وعليه ربيع سلفيتي، مغطّى العينين، عم بمشي وقباله فيديو. ايد بتحطّ عودة كبريت، بتولّعها، بتقيمها، وبتحط غيرها وهلمّ جرا. طيب. عم “نحضر”. مش فاهمين. عم نتوقّع يصير اشي.. اوكي.. مرقت نص ساعة تقريباً (او عالاقل هيك حسّيت).. الناس عم تتطلّع ع بعض.. في اشي مش منتبهينلو؟ طب هات نقرأ شو مكتوب.. برده مش فاهم..

طيب.

قطعت الكهربا، استغلينا الفرصة، وطلعنا.

“ياخي بس احنا مش فاهمين؟” بسألوني بعض المشاهدين برّة.. طمّنتهن.. لا يا جماعة شكله عن جد الملك عريان.

بس هو مش بالضبط. الملك لابس، بس  الكلسون فوق البنطلون، والقميص بدل كلسات.

من اوّل الدّروس اللي بتعلمها الواحد بتعليم اي نوع من الفنّ والتّصميم هو انّه الهيئة (format) مهمّة بقدر اهميّة العمل الفنّي.

للأسف عدم فهم الهيئة اللّي عم بشتغل فيها الفنّان ممكن أن تؤدّي الى فشل العمل.

20170508_211320

مش عارف اذا احنا كنّا فاهمين غلط ولّا الاشي انعمل غلط. بس انبنت توقّعات لعرض، مع انّه كان مكتوب معرض، وهاي التوقّعات ما لاقتش شو يملّيها.

بشي مرحلة فيديو الكبريت تغيّر – فكّرنا صار اشي. فجأه تحوّل الفيديو لمجموعة مقاطع اللي مش واضحة العلاقة بيناتها.. ذكّرني شويّ بالمقاطع المداخلة بفيلم Tree Of Life – حبّيت انّي احبّ الاشي. بس بعرفش اذا حبّيته. بعرفش اذا اصلاً مطلوب منّي احبّه.

بتصوّر لو زرت نفس المعرض بمتحف فنّ معاصر، وكان اسم البرنامج “انشاء فنّي لليلة واحدة ضمن معرض …” (انشاء فنّي يعني installation) كان كل منظوري بكون مختلف، لأنّه بالنهاية الفيديو آرت نفسه كان رائع.

20170508_211525

2 thoughts on “معرض\عرض\استعراض العمى”

  1. يعني الصراحة انا مشفتش العرض/معرض/استع
    بس اسلوب الكتابة والمستوى اي حاولت تمرق فيها فكرتك كتير رخيصة وفيها كثير من الاستعلاء وعدم محترف.
    مقدرتش شو قاصد تكتب، هل هو نقد؟
    فوين النقد عنجد؟ ذكرت انك موسيقر وبتحب الفن فوين تطرقك كمحترف للموضوع؟
    بعني مش عارف كيف بدك الناس تدير نقاش لما انت
    مش عارف تعمل الشغلة.
    يعني كان عندي الصراحة طموح انو صفحتك تكون شيئ اخر وفيها نوع من النقد المحترف.
    ونصيحة مني، تذكرش اسماء اشخاص محداش بعرفهن غيرك وغير معارفك. اذا هدفك حدا يقرأ الصفحة غير حلقتك المقربة.

    شادي
    من حيفا

    Like

    1. شكراً شادي عالنّقد

      صراحة بوافقك بالنّسبة للأسماء وبالتّالي حذفتها.

      اذا بتلاحظ النّقد هون هو مش للمعرض انّما لطريقة العرض – الاسلوب ساخر بشكل مقصود طبعاّ. ادعاءك انه الاسلوب “رخيص وغير مهني” بعاني من نفس الاستعلاء اللي بتتّهمني فيه.

      هاي هي طبيعة النقد السلبي – فيه استعلاء.

      Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s